वाटंगी येथील पंढरीनाथ पतसंस्थेला १२ लाख ३७ हजारांचा नफा

चेअरमन शिवाजी नांदवडेकर यांची माहिती

सिरसंगी प्रतिनिधी
वाटंगी येथील श्री पंढरीनाथ सहकारी पतसंस्थेची ३२ वी वार्षिक सर्वसाधारण सभा उत्साहात पार पडली. संस्थेला आर्थिक वर्षात १२ लाख ३७ हजार ३७ रुपयांचा निव्वळ नफा झाल्याची माहिती संस्थेचे चेअरमन शिवाजी नांदवडेकर यांनी दिली. तसेच सभासदांना १२ टक्के प्रमाणे लाभांश देण्यात येणार असल्याचे त्यांनी सांगितले.

सभेत संस्थेच्या आर्थिक अहवालाचे वाचन करण्यात आले. संस्थेकडे ६ कोटी ३५ लाख १६ हजार ९६३ रुपयांच्या ठेवी असून, ४ कोटी ४० लाख ७५ हजार ८०८ रुपयांचे कर्ज वाटप करण्यात आले आहे. संस्थेची ३ कोटी २० लाख ५१ हजार ६५१ रुपयांची गुंतवणूक असून, वार्षिक उलाढाल १४ कोटी २४ लाख २३ हजार ९०४ रुपये असल्याची माहिती देण्यात आली. अहवालाचे वाचन व्यवस्थापक गंगाराम कोकरे यांनी केले.

संस्थेच्या वतीने सभासदांच्या गुणवंत पाल्यांचा सत्कार करण्यात आला. तसेच मुलीच्या जन्माचे स्वागत म्हणून ५०० रुपये ठेव ठेवण्यांचा उपक्रम संस्थेने सुरू केला आहे. दरवर्षी दोन मुलींना दत्तक घेऊन त्यांच्या शिक्षणाचा खर्च करण्याचा सामाजिक उपक्रमही संस्थेमार्फत राबविला जात असल्याची माहिती यावेळी नांदवडेकर यांनी दिली. यावेळी विविध क्षेत्रांत उल्लेखनीय कार्य करणाऱ्या व्यक्तींचाही संस्थेच्या वतीने सत्कार करण्यात आला.

यावेळी व्हा. चेअरमन सूर्यकांत गाइंगडे, वसंत देसाई, उत्तम कुंभार, पांडुरंग बोर, पांडुरंग गिलबिले, चंद्रकांत नांदवडेकर, संतोष शिंदे, अर्जुन कबीर, प्रकाश जाधव, बाळू नाईक, सौ .मीनाक्षी देसाई, राजाराम थोरवत, केरबा कुंभार, विष्णू कुंदेकर, गोविंद कानडे, अंकुश सुतार, पांडुरंग पोवार, बस्त्याव डिक्रुझ, अर्जुन सावंत, निवृत्ती मुसळे, रामचंद्र दळवी, मिंगेल डायस, बाबुराव कसलकर, शिवाजी कांबळे, युवराज चौगले, महादेव सोनार सौ सुनंदा खुळे , रमेश धडाम सुबराव सुतार दिलीप पाटील यांच्यासह संस्थेचे पदाधिकारी, संचालक, सभासद व कर्मचारी उपस्थित होते.

कार्यक्रमाचे आभार कार्यकारी अधिकारी रफीक आगा यांनी मानले.