महादेव कुडव सिरसंगी
सिरसंगीत हत्तीने धुमाकूळ घातला असून शेतशिवारात हैदोस घातलेल्या हत्तीने आता गावाकडे मोर्चा वळवला आहे. शुक्रवारी रात्री 2 वाजता बोलेरो पीक अप व आल्टो गाडीची मोडतोड करून संपूर्ण गाडीचे नुकसान केले आहे. त्यामुळे ग्रामस्थतून भीतीचे वावरण पसरले आहे. शिरसंगी येथील परशराम दत्तू माटले यांची पोल्ट्री पक्षी ने आण करणारी बोलेरो पीकअप ही गाडी गोटणदेव परिसरात उभी होती, सदर गाडी 10 फुट फरफटत नेत गाडीच्या बोनेटवर पाय देऊन पूर्ण चक्काचूर केली आहे. त्यानंतर हत्तीने शेवंता निंगू सावंत यांच्या दारात उभी केलेली पुंडलीक मलगोंडकर यांची आल्टो गाडी दहा फूट फरफटत नेत मोडतोड केली यामध्ये दोन्ही गाडींचे अंदाजे तीन लाखांचे नुकसान झाले आहे . त्यानंतर हत्तीने दिलीप पाटील यांच्या दारातील स्प्लेडेर सोंडीने धक्का देऊन पाडली. त्यानंतर हत्तीने गणेश देसाई यांच्या शेतातील गहू पिक खाऊन त्यामध्ये नाचून नुकसान केले .
गुरुवारी रात्री कृष्ण टकेकर यांच्या घोलाकडील शेतातील पत्र्याचे शेड पूर्णपणे मोडतोड केली तर आनंदा टकेकर व शांताराम पाटील यांच्या ऊस लागण केलेल्या शिवारात धुमाकूळ घातला आहे, सि आर देसाई, मनोहर देसाई यांच्या काजू आंबा झाडांची मोडतोड तर पांडुरंग कानडे यांच्या केळीच्या बागेची नासधूस यामुळे हत्तीकडून दररोज लाखों रुपयांचे नुकसान सुरू आहे , वन्य प्राण्याकडून शेतीचे दररोजचे नुकसान व वनविभागाकडून मिळणारी तुटपुंजी नुकसानभरपाई यामुळे शेती करावी की पडीत ठेवावी असा प्रश्न शेतकाऱ्यांसामोर पडला आहे, पिकाची राखण करायची कशी असा प्रश्न शेतकऱ्यांसामोर आहे . अगदी गावापासून ते जंगल हद्दीपर्यंत शिवारात जागोजागी स्पीकर लावलेले आहेत पण वण्याप्रणि स्पीकरला सुद्धा दाद न देता धडक शिवरातील पिकाचा फडश्या पाडत आहे .
By
