सिरसंगी प्रतिनिधी : गवसे-उमगाव, ता. चंदगड येथील केंद्रप्रमुख श्री. आनंदराव शंकर भादवणकर यांच्या ३८ वर्षे ६ महिने ९ दिवसांच्या प्रदीर्घ शैक्षणिक सेवेनंतर सेवानिवृत्तीनिमित्त आयोजित सेवापूर्ती समारंभ उत्साहपूर्ण वातावरणात संपन्न झाला.कार्यक्रमाच्या अध्यक्षस्थानी कोल्हापूर जिल्हा परिषदेचे माजी शिक्षणाधिकारी मा. आनंदराव जोशिलकर होते. प्रमुख उपस्थितांमध्ये आजऱ्याच्या माजी सभापती मा. जयश्री गाडे, भादवणच्या सरपंच मा. माधुरी गाडे, आजरा पंचायत समितीचे सहाय्यक गटविकास अधिकारी मा. दिनेश शेटे, माजी शिक्षण विस्ताराधिकारी मा. जी. व्ही. दैठणकर, माजी शिक्षण विस्ताराधिकारी मा. शिवाजी गिलबिले आणि भाजपचे उपाध्यक्ष मा. संतोष चौगुले यांचा समावेश होता.श्री. आनंदराव भादवणकर यांनी २१ डिसेंबर १९८७ रोजी आपल्या शैक्षणिक सेवेला प्रारंभ केला. आपल्या प्रदीर्घ सेवाकाळात त्यांनी जाधेवाडी (आजरा), भादवण (आजरा), बी.आर.सी. आजरा, बुझवडे (चंदगड), चितळे (आजरा), सिरसंगी आणि कुमार (चंदगड) येथे विविध जबाबदाऱ्या पार पाडल्या. त्यांनी अध्यापक, गटसमन्वयक, विषय शिक्षक आणि मुख्याध्यापक म्हणून काम केले. त्यानंतर गवसे-उमगाव, ता. चंदगड येथे केंद्रप्रमुख म्हणून त्यांनी सेवा बजावली. ३० जून २०२६ रोजी ते सेवानिवृत्त झाले.या समारंभास शिक्षक समिती परिवार, शिक्षक संघ आजरा (पाटील गट), शिक्षक संघ आजरा (थोरात गट), पुरोगामी संघटना परिवार आजरा, पदवीधर शिक्षक संघटना आजरा आणि कास्ट्राईब संघटनेचे पदाधिकारी व सदस्य उपस्थित होते. तसेच शिव कॉलनी, रवळनाथ कॉलनी, रामतीर्थ कॉलनी, बळीराम देसाई कॉलनीतील मित्रमंडळी, भादवण व सिरसंगी येथील ग्रामस्थ आणि गवसे-उमगाव, चंदगड व सिरसंगी केंद्रातील शिक्षकांनी उपस्थित राहून भादवणकर यांना शुभेच्छा दिल्या.यावेळी सुनील शिंदे, शिवाजी बोलके, विनायक आमणगी, धनाजी पाटील, विनायक प्रधान, प्रवीण साळुंखे, जनार्दन नेऊगरे, मायकेल फर्नांडिस, रवी दोरुगडे, धनाजी रावण, रावसाहेब देसाई आणि राजाराम नेवरेकर यांच्यासह अनेक मान्यवर व हितचिंतक उपस्थित होते.
कार्यक्रमाचे प्रास्ताविक बळवंत शिंत्रे यांनी केले. सूत्रसंचालन एकनाथ गिलबिले व सदाशिव दिवेकर यांनी केले, तर आभार मयूर भादवणकर यांनी मानले.
By
