सिरसंगी प्रतिनिधी
गेली 36 वर्षे एकादशीनिमित्त गावातील जमलेल्या गावकऱ्याना चहापाणी देऊन तोंड गोड करणारे गणू भीमा कसेकर हे सिरसंगी येमेकोंड परिसरात कौतुकाचा विषय ठरले आहेत . गणू महाराज म्हणून प्रसिद्ध असणारे कसेकर हे आजरा तालुक्यातील येमेकोंड गावचे राहिवाशी आहेत .एकादशी आली की ह. भ. प. गणू महाराजांचे नाव प्रत्येकाच्या तोंडी येतेच , आज त्यांचे वय 84 असून देखील रोज सिरसंगी येमेकोंड पायी चालत ये जा करतात . गेल्या 48 वर्षापासून वारकरी सांप्रदायात असलेले गणू महाराज हे दर एकादशी निमित गावातील उपस्थित असलेल्या गावकऱ्याना चहा पाजून तोंड गोड करण्याचे काम करतात . आपल्याला वारकरी संप्रदायात येण्यासाठी वाटंगी येथील कै . गणू गिलबिले यांच्या मार्गदर्शन लाभले असल्याचे कसेकर सांगतात . ही सेवा करण्यासाठी अपली पत्नी इंदुबाई हिचीसुद्धा आपल्याला साथ मिळत असल्याचे ते अभिमानाने सांगतात , दरवर्षी कार्तिक वारी करत असलेले गणू महाराज गेल्या कित्येक वर्षापासून कित्येक आजारावर वनऔषध देण्याचे कांही करतात . कुत्रा चावल्यास, मांजर -उंदीर चावल्यास जनावार आजारी पडल्यास त्यावर वनऔषध देण्याचे कामही कासेकर करतात. सुरुवातीला सिरसंगी येमेकोंड हद्दीतील शेतावर राहत असलेले गणू महाराज आता वयोमानामुळे येमेकोंड गावी राहतात . दर तीन वर्षानंतर गावातील संत मंडळीना एकत्र करून पंचपक्वान जेऊ घालून भजन कीर्तनाचा कार्यक्रम घेण्याचे कार्य ते करत असतात. एकादशीनिमित्त चहा देण्याचे कार्य आपण असेच चालू ठेवणार असल्याचे गणू महाराज सांगतात .
By
