सिरसंगी प्रतिनिधी
गेल्या आठवडाभर कर्नाटक हद्दीत गेलेला हत्ती पुन्हा वाटंगीत दाखल झाला आहे . काल वाटंगितील अनिल रमेश तेजम यांची 3000 लिटर चे सेनटेक्स टाकी व केळीची बागेचे नुकसान व ऊस खोडव्याचे नुकसान केले तर लुईस कुस्तास डिसोझा चे जनावरांच्या गोठयातील जनावरांचा भरडा खाऊन भरड्याचे पोते बाहेर भिरकाऊन दिले. सिरसंगी येथील वसंत सुतार यांच्या ऊसाचे व नारळाचे झाडाचे नुकसान केले आहे. गेले आठवडाभर हत्ती मालिग्रे कोवाडे मार्गे हरळीवरुन कर्नाटक हद्दीत गेला होता . पुन्हा मंगळवारी हडलगे अर्जुनवाडी मार्गे पुन्हा वाटंगीमध्ये दाखल झाला यामुळे हत्ती कायमचा रहिवाशी होतो की काय अशी भीती नगरिकाना पडली आहे. गेल्या सात महिन्यामध्ये सिरसंगी, वाटंगी , येमेकोंड परिसरातील सुमारे 50 ते 60 लाखांचे नुकसान हत्तीकडून झाले आहे. दुचाकी चारचाकी वाहने यांची मोडतोड हत्तीने केली आहे. तर कित्येक शेतकऱ्यांच्या शेतशीवारातील पाइप लाईनच्या टी, पाण्याची मोटरचीही मोडतोड केली आहे. यामुळे शेतकरी हैराण झाला आहे .
दिवसा शेतीपंपाची विजमुळे शेतकऱ्यामधून समाधान
ऊसाला पाणी पाजण्यासाठी गेले सहा सात महिन्यापासून दिवसा वीजपुरवठा सुरू केल्यामुळे शेतकाऱ्यामधून समाधान व्यक्त होत आहे. सद्यस्थितित हत्तीमुळे शेतशीवारात रात्रीचे जाणे धोक्याचे झाले आहे. यामुळे गव्यांचा कळप शेतशीवरात बिनधास्त ऊस फस्त करत आहेत् , हत्तीने जागा सोडली तरच पिके हातात येणार अन्यथा रानटी प्राण्याकडून पिके फस्त होणार त्यामुळे वनविभागाणे हत्ती हटाव मोहीम ही गावकाऱ्याना सहभागी करून राबवणे गरजेचे आहे .
By
