अनुदानाच्या नावाखाली गंडा घातलेल्या टोळक्याला आजरा पोलिसानी घेतले ताब्यात

सिरसंगी प्रतिनिधी

गेल्या चार दिवासपूर्वी जनावरांच्या गोठ्यासाठी अनुदानाच्या नावाखाली वाटंगी ता आजरा येथील सुमारे 25 शेतकऱ्यना प्रत्येकी हजार रुपयना गंडा घातलेल्या एक युवक व दोन युवती याना पोलिसानी सिरसंगी येथे सर्वे करताना ताब्यात घेतले. दै तरुण भारत मध्ये बातमी प्रसिद्ध झाल्यानंतर वाटंगी सिरसंगी येथील कांही शेतकऱ्यानी तक्रार दाखल केली होती. त्या अनुषंगाने आजरा पोलिस ठण्याकडून सदर कारवाई करण्यात आली . आज सकाळपासून सदर टोळके सिरसंगी येथे जनावरांचा व गोठ्यांचा सर्वे करून प्रत्येकी 1000 रु घेत चार लाखांचे अनुदान मिळणार असे फॉर्म भरत होते . सिरसंगी येथील सुमारे 10 शेतकऱ्यांना सदर टोळक्याने गंडा घातला असून लागलीच पोलिसानी कारवाई केल्यामुळे शेतकरी सतर्क झाले . रात्री उशिरापर्यंत सदर टोळक्याची आजरा पोलिस स्थानकात चौकशी करण्यात आली . व संबंधित शेतकऱ्याना त्यांचे पैसे मिळवून दिले .