अखिल भारतीय मराठा संघातर्फे आजऱ्यात शिवजयंती साजरी

सिरसंगी प्रतिनिधी

अखिल भारतीय मराठा संघ मराठा महासंघ तालुका आजरा यांच्या तर्फे 19 फेब्रुवारी रोजी छत्रपती शिवाजी महाराज जयंती उत्सव साजरा करण्यात आला . स्वागत व प्रास्ताविक संभाजी इंजल यांनी केले
छत्रपती शिवाजी महाराज पुतळा पूजन तालुका अध्यक्ष बंडा चव्हाण व जिल्हाध्यक्ष मारोतराव मोरे , उपनगराध्यक्ष सौ पूजा अश्विन डोंगरे यांच्या शुभहस्ते करण्यात आले . यावेळी शरण्य कुंभार सिद्धि नाईक व स्वराली ओतारी या मुलींनी शिवगर्जना व ध्येयमंत्र सादर केला तदनंतर डॉ. भोसले मॅडम यांनी छत्रपती शिवाजी महाराज यांच्या जीवनातील प्रसंगासंदर्भात मनोगत व्यक्त केले . त्यावेळी त्या म्हणाल्या छत्रपती शिवाजी महाराज हे स्त्रीयांबाबत अत्यंत दक्ष होते स्त्रियांवर अन्याय झाल्यास रांझ्याच्या पाटलासारखी अवस्था करणारे आणि आणि बहुजन समाजाला एक करून अन्यायी मुघल सत्तेविरुद्ध उभे करून स्वातंत्र्य मिळवून दिले असे त्या म्हणाल्या यानंतर आजरा हायस्कूल ची इयत्ता पाचवीतील विद्यार्थिनी रिया संतोष पारपोलकर हिने हिरकणीने आपली सुटका कशी करून घेतली याबद्दल छोटेसे नाट्य सादर केले याबरोबरच व्यंकटराव हायस्कूल आजरा ची पाचवीतील विद्यार्थिनी स्वराली सागर सावंत हिने पन्हाळगडाच्या वेढ्यातून छत्रपती सही सलामत सुटण्यासाठी शिवा काशिदने जी भूमिका वठवलीआपले बलिदान देशासाठी दिली याचे सादरीकरण केले याबद्दल या दोघीनाही रोख रुपये 250 व शील्ड हे बक्षीस तालुका महिला अध्यक्ष सौ मीनल इंजल व जिल्हा महिला उपाध्यक्ष भैरवी सावंत यांच्या शुभहस्ते वितरित करण्यात आले. विशेष करून महिला लेझीम सादरीकरण मध्ये मुरुडे संघ व मसुली संघ यांनी भाग घेतला त्यांनाही उपनगराध्यक्ष सौ पूजा डोंगरे, माजी नगराध्यक्ष ज्योत्स्ना चराटी व इतर महिला पदाधिकारी यांच्या शुभहस्ते रुपये 5000 रोख व शील्ड असे पारितोषिक वितरित करण्यात आले. सदर कार्यक्रमासाठी मोरे ऍग्रो इंडस्ट्रीज यांच्यातर्फे शील्ड देण्यात आले या कार्यक्रमासाठी प्रामुख्याने उपाध्यक्ष शंकराव शिंदे ,शिवाजीराव पाटील, सरचिटणीस प्रकाशराव देसाई , गणपती गणपतराव डोंगरे, शिवाजीराव एंजल चंद्रकांत पारपोलकर , सीआर देसाई ,राजेंद्र सावंत ,धनश्री देसाई ,महादेवराव पवार , भाऊसो निर्मळे ,आनंदा गावडे, राजू होलम त्याचबरोबर सौ गोडसे , सौ शिंदे, सौ मोरे, गीता नाईक , नगरसेविका अश्विनी चव्हाण, अनिकेत चराटी ,असिफ सोनेखार, व डॉ. स्मिता कुंभार आणि मंडळाचे सदस्य उपस्थित होते .
कार्यक्रमाचे स्वागत व प्रास्ताविक संभाजी एंजल आणि आभार सीआर देसाई यांनी मांडले.