सिरसंगी प्रतिनिधी
कोल्हापूर जिल्हा परिषद व आजरा पंचायत समितीच्या नुकत्याच पार पडलेल्या निवडणूकीत तालुक्यातील पेरणोली गटातून जिल्हा बँक संचालक व तालुक्यातील राष्ट्रवादी काँग्रेसचे नेते श्री सुधीर भाऊ देसाई व उत्तूर जिल्हा परिषद गटातून श्री शिरीष देसाई हे भरघोस मतांनी निवडून आले. त्याच बरोबर पंचायत समिती गणातून श्री विकास चोथे, सौ.जयश्री गाडे व सौ. यशोदा पोवार या निवडून आल्या. त्यांचा कारखाना संचालक मंडळ सभेत सत्कार करण्यात आला व त्यांना पुढील राजकीय व सामाजिक कार्यासाठी शुभेच्छा देण्यात आल्या.
यावेळी कारखान्याचे अध्यक्ष श्री मुकुंदराव देसाई, उपाध्यक्ष श्री सुभाष देसाई, माजी अध्यक्ष श्री वसंतराव धुरे व संचालक श्री शिवाजी नांदवडेकर यांनी आपले मनोगत व्यक्त केले व शुभेच्छा दिल्या. सत्काराला श्री सुधीर भाऊ देसाई, शिरीष देसाई व युवराज पोवार यांनी उत्तर देताना मा.ना. हसन मुश्रीफ साहेब व आपल्या सर्व जेष्ठ मंडळींच्या मार्गदर्शन व सहकार्यामुळेच ही निवडणूक आपण जिंकली आहे. आम्ही जनतेच्या हिताची कामे करू अशी ग्वाही दिली. यावेळी माजी सभापती रचना होलम यांच्या हस्ते नूतन प. समिती सदस्या जयश्री गाडे व यशोदा पोवार यांचा सत्कार करण्यात आला . यावेळी एम के देसाई , अनिल फडके , वसंतराव धुरे , उदय पोवार , राजू होलम यांच्यासह आजरा कारखाना संचालक व अधिकारी वर्ग उपस्थित होता-
By
