सिरसंगी प्रतिनिधी
सिरसंगी येथील भारतीय सैन्यात टेक्निकल विभागात निवड होऊन प्रशिक्षण पूर्ण केलेल्या वैभव संजय कुंभार यांचा सिरसंगी केंद्र शाळेतर्फे सत्कार करण्यात आला . यावेळी कार्यक्रमाच्या अध्यक्षस्थानी मुख्याद्यापक शिवाजी बोलके सर होते , सुरुवातीला मुलीनी स्वागत गीत गाऊन पाहुण्याचे स्वागत केले . शाळा व्यवस्थापन कमिटी व केंद्र शाळेतर्फे वैभव याना पुष्पगुच्छ व पुस्तक भेट देण्यात आले . संतराम केसरकर यांनी स्वागत करून प्रस्ताविकात भारतीय सैन्यदलाविषयी माहिती दिली यावेळी वैभव कुंभार यांनी आपण घेतलेल्या प्राथमिक ते उच्च माध्यमिक शिक्षणविषयी शाळाविषयी माहिती सांगितली , त्याचबरोबर भारतीय सैन्यदलात भरती होण्यासाठी कोणत्या गोष्ठी महत्वाच्या असतात अभ्यास व मैदानी खेळाचा सराव कसा करावा याविषयी मार्गदर्शन केले. त्याचबरोबर प्रशिक्षण घेत असताना आलेले अनुभव सांगितले , वैभवने अनुभव सांगितल्यानंतर केसरकर सरानी मुलाना सैन्य दलात कोण कोण जाणार असे विचारताच साऱ्या मुलानी उत्साहाने हात वर केले . यावेळी मुख्याद्यापक शिवाजी बोलके यांनी मुलाना मार्गदर्शन केले , शाळा कमिटी अध्यक्ष संतोष कांबळे यांनी वैभव हा कष्टकरी शेतकऱ्याचा मुलगा असून त्याला त्याच्या परिस्थितीची जाणीव असल्यामुळेच अगदी प्रतिकूल परिस्थितीवर मात करत अग्निवीर बनल्याचे सांगितले . यावेळी केंद्र प्रमुख करवीर गोरे , सुप्रिया पाटील , लक्ष्मण कुंभार , श्री पाटील सर , श्री महादेव कुडव उपस्थित होते .आभार उत्तम कोकितकर यांनी मानले.
By
