सिरसंगी प्रतिनिधी
शिरसंगी केंद्र शाळेत नवीन चिमुकल्या विद्यार्थ्यांचे ट्रॅक्टर ट्रॉलीतून मिरवणूक काढून स्वागत करण्यात आले. ग्रामदैवत श्री रवळनाथचे दर्शन घेऊन सर्व विद्यार्थ्यांना ट्रॅक्टर व ट्रॉली बसवून वाद्यवृंदाच्या साथीने विद्यार्थ्यांचे गावातून मिरवणूक काढून इयत्ता पहिलीच्या वर्गामध्ये दाखल करण्यात आले. या मिरवणुकीत गावातील सर्व नागरिकांनी सहभागी दर्शवला होता. सर्व विद्यार्थ्यांचे शाळा व्यवस्थापन कमिटीच्या उपाध्यक्षा सौ प्रतीक्षा चौगुले, सदस्यां सुप्रिया उत्तम कुंभार सुप्रिया सागर कुंभार यांनी औक्षण केले. यावेळी शासनामार्फत मिळालेली पाठ्यपुस्तके व गणवेश वाटप मान्यवरांच्या हस्ते करण्यात आले. त्याचबरोबर आमदार शिवाजीराव पाटील यांच्या वाढदिवसानिमित्त वह्या पेन्सिल वाटप करण्यात आली . विशाल भीमराव सडेकर यांचेतर्फे वह्या पेन्सिल वाटप करण्यात आले सुरुवातीला सर्व विद्यार्थ्यांनी पहिलीच्या विद्यार्थ्यांचे स्वागतगीताने स्वागत केले. उत्तम कोकितकर सर यांनी प्रास्ताविक करून सर्व विद्यार्थ्यांना शुभेच्छा दिल्या यावेळी प्रमुख पाहुणे म्हणून माझी प्राचार्य सि आर देसाई उपस्थित होते. यावेळी सि आर देसाई यांनी विद्यार्थ्यांना मार्गदर्शन करताना शिकाल तरच टिकाल असा संदेश देऊन चांगले शिक्षण घेऊन आपल्या कुटुंबाचे व आपले नाव उज्वल करुन एक सुजाण नागरिक बना असे समुपदेशन केले. यावेळी मुख्याध्यापक शिवाजी बोलके यांनी सर्व पाहुण्यांचे पुष्पगुच्छ देऊन स्वागत केले . यावेळी लक्ष्मण कुंभार सुप्रिया पाटील यांनी कार्यक्रम यशस्वी पार पाडण्यासाठी सहकार्य केले. यावेळी महादेव कुडव भीमराव सडेकर विजय मयेकर उपस्थित होते . संतराम केसरकर यांनी आभार मानले
By
