कलश व पालखी मिरवणूकीत गुलालची उधळण , लहान थोर मंडळींचा सहभाग
सिरसंगी प्रतिनिधी
सिरसंगीत रवळनाथ मूर्ती प्राणप्रतिष्ठापणा कार्यक्रमाला उत्साहात प्रारंभ झाला असून सकाळी 9 वाजता रवळनाथ मूर्तीची रथातूनमिरवणूक काढण्यात आली. रथाला झेंडूच्या फुलांनी सजवले होते. पौराहित्य वेदशास्त्रसंपन्न डॉ हिरेमठ व सहकारी व वेदमूर्ती बाळासाहेब सुतार महाराज यांचे मंत्रघोषात श्री रवळनाथ मूर्तीला रथामध्ये बसवण्यात आले . मिरवणूकिमध्ये गावातील महिला हरिपाठ मंडळ भजनी मंडळ वारकरी मंडळीनि सहभाग घेतला होता , तसेच प्राथमिक शाळेतील विध्यार्थ्यानी लेझीम पथकाद्वारे उपस्थितांचे माने जिंकली . या मिरवणूकीत सुमारे ८०० महिलांनी कलश व दुरडी घेऊन सहभाग घेतला होता . तर हलगिच्या वाद्यामुळे युवकापासून वृद्धापर्यंत सर्वांनी नाचगाण्याचा आस्वाद घेतला .मिरवणूक महादेव मंदिर ते विठ्ठल रखुमाई मंदिर करून गोरोबा काका मंदिर ते महालक्ष्मी मंदिर करून दत्त मंदिर ते लक्ष्मी गल्ली व गोठणदेव गल्ली अशी मिरवणूक काढण्यात आली. मिरवणुकीमध्ये गुलालची उधळण करण्यात आली. गल्लीतून जागोजागी थंड पेय , ताक , चहा, मट्टा यांची सोय करण्यात आली होती . सकाळी 9 वाजता निघालेली मिरवणूक दुपारी 2 वाजता मंदिरमध्ये पोहचली . त्यानंतर सर्व माहेरवाशिनी व सुहाशिनीची ओटी भरण्यात आली. त्यानंतर महाप्रसाद वाटण्यात आला . डॉ हिरेमठ व सहकारी यांचे मंत्रघोषात पुढील विधी करण्यात आले .
By
