हंदेवाडी येथील प्रणालीला “स्टार आयकॉन ‘ पुरस्कार प्रदान

• भास्कर पब्लिकेशन न्यूज नेटवर्क च्यावतीने भास्कर भूषण स्टार आयकॉन पुरस्कार
• भूमाता ब्रिगेड च्या अध्यक्षा तृप्ती देसाई यांचे हस्ते पुरस्कार प्रदान
• आजरा तालुक्यातील हंदेवाडी गावच्या शिरपेचात मानाचा तुरा

सिरसंगी प्रतिनिधी
हंदेवाडी तालुका आजरा येथील सुपुत्र,प्रसिद्ध उद्योजक मोहन परशराम हेब्बाळकर यांची कन्या कुमारी प्रणाली हेब्बाळकर हिला नुकताच भास्कर पब्लिकेशन न्यूज नेटवर्क च्या वतीने यावर्षी चा भास्कर भूषण स्टार आयकॉन पुरस्कार भूमाता ब्रिगेड च्या अध्यक्षा तृप्ती देसाई यांचे हस्ते प्रमुख मान्यवरांच्या उपस्थितीत प्रदान करण्यात आला.. प्रणालीने फ्रान्स मध्ये झालेल्या कान्स फिल्म फेस्टिवलसाठी तयार केलेल्या ड्रेस ची माहिती संपूर्ण जगभरात पोचली याची दखल घेऊन सदर पुरस्कार तिला प्रदान करण्यात आला.यावेळी संपादिका सौ.मनिषाताई लोहार व महाराष्ट्र जर्नलिस्ट फाऊंडेशन चे अध्यक्ष डॉ.राजीव लोहार तसेच सोहळ्यासाठी आमदार भीमराव तापकीर आण्णा पुणे,नंदकुमार उर्फ बाबूजी वाळंज,सौ.तृप्तीताई देसाई अध्यक्षा भूमाता ब्रिगेड,दिलीप बागडे पाचगणी नगरपरिषद, पियु धनवडे कोल्हापूर,राणी बबिता मुसळे लावणी कलाकार सोलापूर,हभप कृष्णा फाटे महाराज विश्व हिंदू परिषद धर्माचार्य रायगड, ॲड.दिलीप जगताप,डॉ.सुचिता पाटील,अभिजीत पाटील,साक्षी कालवडेकर आदी मान्यवर उपस्थित राहणार आहेत.तसेच मदन हेब्बाळकर,चंद्रकांत हेब्बाळकर,सुशांत जाधव,वडील मोहन, आई सौ.रेखा,पत्रकार पुंडलिक सुतार, समस्त हेब्बाळकर परिवार उपस्थित होते.