छत्रपती संभाजीनगर: भाजप नेत्या व राज्याच्या पर्यावरण मंत्री पंकजा मुंडे यांच्या हेलिकॉप्टरमध्ये तांत्रिक बिघाड झाल्याची घटना मंगळवारी सकाळी छत्रपती संभाजीनगर विमानतळावर समोर आली. सतर्क पायलट आणि तांत्रिक कर्मचाऱ्यांनी उड्डाणापूर्वीच हा दोष लक्षात घेतल्याने मोठी दुर्घटना टळली. या प्रकारानंतर त्या दुसऱ्या हेलिकॉप्टरने लातूरकडे रवाना झाल्या.
पंकजा मुंडे या सध्या छत्रपती जिल्हा परिषद व पंचायत समिती निवडणुकीच्या प्रचारासाठी दौऱ्यावर आहेत. मंगळवारी सकाळी सुमारे ११ वाजता लातूर जिल्ह्यातील नियोजित सभांसाठी त्या विमानतळावरून उड्डाण करणार होत्या. मात्र, हेलिकॉप्टरमध्ये बिघाड आढळल्याने उड्डाण रद्द करण्यात आल्याची माहिती पायलट व तांत्रिक कर्मचाऱ्यांनी दिली.
By
