किणे येथे संकल्प ग्रामविकास प्रतिष्ठानतर्फे विविध सामाजिक उपक्रम

सिरसंगी प्रतिनिधी

संकल्प ग्रामविकास प्रतिष्ठान किणे यांचेतर्फे कामगार दिनाचे औचित्य साधून विद्यार्थी गुणगौरव सोहळा व रक्तदान शिबिर त्याचबरोबर मोफत आरोग्य शिबिराचे आयोजन करून विविध समाजाची उपक्रम राबवले गेले. यावेळी झालेल्या कार्यक्रमाच्या अध्यक्षस्थानी सुनील दळवी होते. स्वागत पांडुरंग शिंदे यांनी केले तर प्रास्ताविक विवेकानंद गुडुळकर यांनी केले. यावेळी इयत्ता पहिली ते सातवी मधील पहिले तीन विद्यार्थी त्याच बरोबर दहावीचे सहा विद्यार्थी व बारावी मधील प्रत्येक शाखेच्या दोन विद्यार्थ्यांचा सत्कार करण्यात आला. त्याचबरोबर इतर क्षेत्रात उल्लेखनीय कामगिरी केलेल्यांचाही संकल्प प्रतिष्ठान पुरस्काराने सत्कार करण्यात आला. यावेळी संकल्प ग्रामविकास प्रतिष्ठान तर्फे 19 एप्रिल रोजी आजरा तालुक्यातील इयत्ता तिसरी ते आठवी मधील विद्यार्थ्यांसाठी सामान्यज्ञान स्पर्धा घेण्यात आली यामध्ये 160 विद्यार्थी बसले होते त्यामधील यशस्वी विद्यार्थ्यांचाही सत्कार रोख रक्कम व प्रमाणपत्र देऊन गौरविण्यात आले. यावेळी रक्तदान शिबिर घेण्यात आले यामध्ये 45 व्यक्तींनी रक्तदान केले. त्याचबरोबर अथायु मल्टीस्पेशालिटी हॉस्पिटल कोल्हापूर यांच्या सहकार्याने आरोग्य शिबिरही घेण्यात आले यामध्ये सुमारे 50 रुग्णांची तपासणी करण्यात आली. यावेळी सरपंच श्रीमती सुनंदाताई सुतार ग्रामसेविका कोकितकर मॅडम संकल्प प्रतिष्ठानचे सचिव उदय गिलबिले, अनिल पाटील ,सागर तुपट, महादेव सुतार, गंगाराम पताडे, बाळासाहेब पत्ताडे, संदीप गुडूळकर प्राथमिक शाळेच्या मुख्याध्यापिका सौ नागुर्डेकर मॅडम त्याचबरोबर सर्व शिक्षक स्टाफ उपस्थित होता