कोवाडे प्रतिनिधी
निवृत्तीच्या कार्यक्रमाला आलेल्या मामा – भाच्याचा कोवाडे लगत हिरण्यकेशी नदीपात्रात बुडून मृत्यू झाला.
पुढील माहिती सविस्तर अशी कि मामा सुनील विष्णू सुतार वय 50 रा. कोवाडे व भाचा प्रवीण पांडुरंग सुतार वय 36 राहणार वाळकी तालुका चिकोडी हे दोघे हिरलगे येथे आले होते.
प्रवीण पांडुरंग सुतार हे आपल्या हिरलगे येथे सासरवाडीला सासर्यांच्या रिटायरमेंटच्या कार्यक्रमाला आले होते, या कार्यक्रमाला आप्तेष्ट व मित्रमंडळी गोळा झाली होती दिनांक 11 /5/26 रोजी दुपारी जेवण झाल्यानंतर मामाला कोवाडेला सोडण्यासाठी गाडीवरून हिरलगे बंधाऱ्यालगत आले, गाडी नदी काठावर लावून मामा व भाचा बंधाऱ्यालगत पाण्यातून कोवाडे येत होते. पाण्याचा अंदाज आला नसल्यामुळे दोघेही नदी पात्रात बुडाले दुपारी अडीचच्या दरम्यान आजूबाजूला कोणीही नसल्यामुळे त्यांना वाचवण्यासाठी कुणाचीही मदत मिळाली नाही , त्यामुळे दोघांचाही बुडून मृत्यू झाला. मामा सुनील विष्णू सुतार त्यांच्या पश्चात आई,बायको, भाऊ, मुलगा व मुलगी आहे. भाचा प्रवीण पांडुरंग सुतार यांच्या पश्चात आई वडील व पत्नी व दोन मुली आहेत वर्दी दीपक सुतार यांनी दिली, पोलीस हवालदार श्री साजिद सिकलदार यांनी तपासणी केली
By
