सिरसंगी प्रतिनिधी
सोमवार रामतीर्थ व चाळोबा ची यात्रा होणार असून आजरा रामतीर्थवर रविवार पासूनच महाशिवरात्री निमित्त भाविक दर्शन घेण्यासाठी उपस्थित राहणार आहेत . तर सिरसंगी मलिग्रे वाटंगी येमेकोंड परिसरातील महादेव मंदिर, रामलिंग मंदिरात विविध कार्यक्रमाचे आयोजन केले आहे. सोमवार दि १६ रोजी सिरसंगी मलिग्रे हद्दीतील पठारावर वसलेले चांळोबा देवाची यात्रा भरणार असून दरवर्षी महाशिवरात्रीच्या दुसऱ्या दिवशी ही यात्रा भरते. या यात्रेला सरंबळवाडी, मलिग्रे, कागिनवाडी, सिरसंगी येमेकोंड येथील भाविक मोठ्या संख्येने उपस्थित राहतात.
आजरा रामतीर्थवर दरवर्षी हजारो भाविक दर्शनासाठी यात्रेत सहभागी होतात . यंदाही महाशिवरात्री रविवारी आल्याने गर्दी होणार असून यात्रेसाठी आजरा आगाराकडून ज्यादा बसेस सोडण्यात येणार आहेत .
सिरसंगी मलिग्रे रस्त्यामुळे यंदा चाळोबा यात्रेला गर्दी वाढणार
यावर्षी सिरसंगी मलिग्रे रस्त्याचे काम पूर्ण झाल्यामुळे भाविकांची गर्दी वाढणार आहे.
दरवर्षी परिसरातील भाविक बैलगाडी जुंपून काही ट्रॅक्टर ट्रॉली द्वारे या यात्रेला हजेरी लावतात. यंदा रस्त्याची सोय झाल्यामुळे दुचाकी , चार चाकी वाहने यात्रेच्या ठिकाणापर्यंत पोहोचणार असल्यामुळे भाविकांची गर्दी वाढण्याची शक्यता आहे.
By
