संत गोरोबाकाका उत्साहात साजरी
शिरसंगी येथे संत गोरोबाकाका पुण्यतिथी उत्साहात साजरी करण्यात आली. बुधवारी सकाळी नऊ वाजता ध्वजारोहण करण्यात आले , त्यानंतर सकाळी दहा वाजता गावातून भजनी मंडळाच्या टाळ मृदंगाच्या वाद्यासाह मिरवणूक काढण्यात आली. या मिरवणुकीमध्ये संत गोरोबा काकांच्या प्रतिमेवर पुष्पवृष्टी करण्यात आली . त्यानंतर सत्यनारायण महापूजा व तीर्थप्रसाद वाटप करण्यात आला .दुपारी दोन ते चार पर्यंत गावातील विठ्ठल रुक्माई भजनी मंडळ रेणुका भजनी मंडळ विश्वकर्मा भजनी मंडळ महादेव भजनी मंडळ यांच्या संगीत भजनाचा कार्यक्रम पार पडला. सायंकाळी अमरोळी येथील भावेश्वरी महिला हरिपाठ मंडळाचा हरिपाठाचा कार्यक्रम पार पडला त्यानंतर रात्री आठ ते दहा वाजेपर्यंत मोदगे ता. हुकेरी येथील हभप स्वाती पाटील यांचे कीर्तन झाले त्यानंतर दहा वाजता कोल्हापूर येथील शाहीर सदाशिवराव निकम यांचा कार्यक्रम झाला . गुरुवारी सकाळी दहा वाजता महाप्रसादाने कार्यक्रमाची सांगता करण्यात आली.
संत गोरोबाकाका पुण्यतिथीचे औचित्य साधून कुंभार समाजातर्फे “स्व. अनंतराव आजगावकर आदर्श शिक्षक पुरस्कार” प्राप्त मा. श्री. उत्तम कोकीतकर सर केंद्र शाळा विद्यामंदिर, सिरसंगी येथील पदवीधर अध्यापक यांचा सत्कार करण्यात आला .
By
