सिरसंगी ची कन्या मधुरा प्रकाश दळवी यांची राज्यस्थरिय कबड्डी स्पर्धेसाठी निवड झाल्या बद्दल आनंदोत्सव साजरा करण्यात आला.
आजरा : येथील व्यंकटराव कला, वाणिज्य व विज्ञान महाविद्यालय, आजरा येथील कु. मधुरा प्रकाश दळवी व कु. साधना महेश होसुरकर यांची नाशिक जिल्ह्यातील सिन्नर येथे होणाऱ्या राज्य अजिंक्यपद निवड चाचणी कबड्डी स्पर्धेसाठी निवड झाली आहे.
तसेच व्यंकटराव महाविद्यालयाने कबड्डी खेळातील आपले वर्चस्व कायम राखत नुकत्याच करवीर तालुक्यातील कोथळी येथे झालेल्या राज्यस्तरीय खुल्या महिला कबड्डी स्पर्धेत उल्लेखनीय कामगिरी केली. या स्पर्धेत व्यंकटराव महाविद्यालयाच्या विद्यार्थिनींनी चुरशीचा सामना करत शेवटच्या क्षणापर्यंत लढा देत द्वितीय क्रमांक मिळविला.
कबड्डी क्षेत्रात सातत्यपूर्ण सराव करत विद्यार्थिनींनी मिळवलेल्या या उज्ज्वल यशाबद्दल व्यंकटराव शिक्षण संकुलाचे अध्यक्ष श्री. जयवंतराव शिंपी तसेच संचालक मंडळाने खेळाडूंचे कौतुक करून अभिनंदन केले.
यशस्वी महिला कबड्डी खेळाडू व मार्गदर्शक (एन.आय.एस.) शिक्षक पी. आर. तेरसे व कु. पी. एल. सासुलकर यांचा प्रत्यक्ष मैदानावर येऊन संस्थेचे संचालक व आजऱ्यातील प्रसिद्ध उद्योगपती श्री. सचिन (भैय्या) शिंपी यांनी सत्कार केला.
यावेळी महाविद्यालयाचे प्राचार्य श्री. एस. व्ही. शेळके तसेच प्रभारी प्राचार्य श्री. सी. एस. पन्हाळकर उपस्थित होते.
By
