तब्बल 21 वर्षांनंतर होणार महालक्ष्मी यात्रा
सिरसंगी प्रतिनिधी
कोळिंद्रे पोश्रातवाडी श्री महालक्ष्मी यात्रा तब्बल 21 वर्षांनी म्हणजेच 5 ते 8 मे 2026 अखेर यात्रा मोठ्या भक्ती भावाने संपन्न होत आहे. सुमारे शेकडो वर्षापासून पूर्वजांपासून यात्रा साजरी होत आहे . मंगळवार दि. 7 ते 26 एप्रिल पर्यंत सर्व धार्मिक विधी पार पडले असून मंगळवार दिनांक 28 एप्रिल रोजी इरडे पडून मुख्य यात्रा उत्साहाला सुरुवात झाली आहे. देवीला मंगळवारी पुरण पोळीचा नैवेद्य दाखवणार आहेत. यावेळी देवीला साडी चोळीचा आहेर करण्यात येतो. मंगळवार दिनांक 5 मे रोजी रात्री 10 वाजले पासून लक्ष्मी खेळवणेचा कार्यक्रम संपन्न होणार आहे.यावेळी पी डबाक या वाद्याचे आयोजन करण्यात आले आहे.बुधवारी 6 मे रोजी पहाटे पाच वाजता श्री लक्ष्मी देवी गदगिला बसणार आहे.तर साडे पाच वाजता बळ फिरविले जाणार आहे. तर पहाटे साडे सहा वाजता बळ पाडण्याचा कार्यक्रम होणार आहे. रात्री नऊ वाजता खरीस शिंपण्याचा कार्यक्रम होणार आहे. बुधवार दुपारपासून पाहुण्यासाठी मांसहार जेवनाचे नियोजन केले आहे. गुरुवार दिनांक 7 मे रोजी देवीची ओटी भरून मागणी चे दंडवत घातले जाणार आहे.शुक्रवार दिनांक 8 मे रोजी ओटी भरणे चा कार्यक्रम होणार आहे.तर सायंकाळी चार नंतर लक्ष्मी भंडारणे व लक्ष्मी पाऊण देण्याचा कार्यक्रम होणार आहे.यात्रा काळात विविध सांस्कृतिक कार्यक्रम व विविध स्पर्धा आयोजित केल्या आहेत.तर कोल्हापूर येथील. ऑर्केस्ट्रा चे आयोजन करण्यात आले असून बाहेरून गावात येणाऱ्या प्रत्येक रस्त्यावर वाहनांसाठी पार्किंग ची व्यवस्था करण्यात आली असल्याची माहिती महालक्ष्मी यात्रा कमिटीचे प्रकाश पाटील , सुरेश सावंत, नामदेव पाटील , सुभाष सावंत, गणपती पाटील , रामचंद्र पाटील , आनंदा पाटील , रमेश बुगडे, संतोष पाटील , सुनील देसाई यांनी माहिती दिली
By
