सिरसंगी प्राथमिक शाळा व्यवस्थापन समितीने दिली तक्रार
किणे वार्ताहर
आजरा तालुक्यातील सिरसंगी केंद्रशाळेत रुजू झालेपासून एकही दिवस अध्यापन न करता गेले पाच महिने तब्येतीच्या कारणास्तव रजेवर असणाऱ्या शिक्षिकेच्या बदलीची मागणी सिरसंगी प्राथमिक शाळा व्यवस्थापन समितीने निवेदनाद्वारे केली आहे. सदर निवेदन गट शिक्षणाधिकारी बसवराज गुरव यांचेकडे सादर केले आहे.
सदर निवेदनात असे म्हटले आहे की 21/11/2025 रोजी सदर शिक्षिका आँनलाईन बदली द्वारे सिरसंगी केंद्र शाळेमध्ये हजर झाल्या होत्या. पण त्यांनी गेल्या पाच महिन्यांपासून एकही दिवस शालेय वर्गावर अध्यापन केले नाही. त्यामुळे मूलांचे शैक्षणिक नुकसान झाले असून त्यांची इतरत्र बदली करावी व मुलांचे शैक्षणिक नुकसान थांबवावे अशी मागणी करून त्यांची बदली न झाल्यास पंचायतीसमोर उपोषणचा इशारा शालेय समितीने निवेदनाद्वारे दिला आहे. यावेळी गटशिक्षणाधिकारी गुरव यांनी आपल्यामर्फत योग्य ती कारवाई करण्याचे आश्वासन दिले .
गटशिक्षणाधिकारी बसवराज गुरव यांना शाळा व्यवस्थापन समितीचे अध्यक्ष संतोष कांबळे, संतोष चौगले, महादेव कुडव , पालक सागर कुंभार, सागर रवि़द्र कुंभार प्रथमेश कुंभार यांनी निवेदन दिले.
By
