सिरसंगी गावात धुडगूस
सिरसंगी प्रतिनिधी
शेत शिवारात धुमाकूळ घालणाऱ्या हत्तीने शनिवारी पहाटे साडेतीन वाजता सिरसंगी गावात धुडगूस घातला. रस्त्याकडेला उभी केलेली ए डी शिंदे इंजिनिअरींग काॅलेजची बसची मोडतोड करून पलटी केली त्याचबरोबर काजू फैकटरी समोर उभी केलेली ओमनी गाडीची मोडतोड करून नुकसान केले . शिवारात धुमाकूळ घालणाऱ्या हत्तीने गावाकडे मोर्चा वळवल्यामुळे नागरिकांतून भितीचे वातावरण पसरले आहे.
ए डी शिंदे इंजिनिअरींग काॅलेजची बसचालक दयानंद बुडके यांनी सदर गाडी बाबुराव बुडके यांच्या घरासमोर उभी केली होती. सदर गाडी वर हत्तीने हल्ला करून मोडतोड केली त्यानंतर हत्तीने काजू उद्योजक अनिल निकम यांच्या काजू फैक्टरीसमोर उभी केलेली ओमनी कारचेही नुकसान केले. नुकसानग्रस्त वाहनांचे वनविभागाकडून वनपाल शिंदे, वनरक्षक तानाजी कवळिकट्टकर, तानाजी खांडेकर यांनी पंचनामे केले. हत्ती आता गावात येऊ लागल्यामुळे नागरीकाना मुठीत जिव घेऊन राहावे लगत आहे . हत्तीने आतापर्यंत तीन मोटर् सायकल एक बोलेरो पीक अप , एक मारुती कार एक ओमणी कार , एक कॉलेज बस अशी एकूण सात वाहनाचे सुमारे 15 लाखांचे नुकसान केले आहे. दररोज शेतीचे होणारे नुकसान वेगळे हत्तीच्या पाठोपाठ 3 0-40 गव्यांचा कळप शेत शिवार फस्त करत असून यामुळे शेती करायची कशी असा प्रश्न सिरसंगी ग्रामस्थाना भेडसावत आहे .
By
