महाप्रसादाने कार्यक्रमाची सांगता
सिरसंगी प्रतिनिधी
वाटंगी दत्तनगर येथे शिवजयंती उत्साहात पार पडली. हा कार्यक्रम माजी उपसरपंच स्वातीताई कबीर व छवा ग्रुप यांच्या संयोजनातून करण्यात आला. त्याचबरोबर सार्वजनिक नवरात्र उत्सव मंडळाच्या वतीने देखील छत्रपती शिवाजी चौक येथे व वाटंगी हायस्कूलमध्ये शिवजयंती साजरी करण्यात आली. दत्तनगर येथे जान्हवी विश्वास कांबळे हिने छत्रपती संभाजी महाराज यांच्या शौर्याविषयी माहिती सांगितली तर साईल बिर्जे याने छत्रपती शिवाजी महाराजांच्या पराक्रमावर भाषण केले . यावेळी भारतीय सैन्य दलात भरती झालेल्या युवकाचा सत्कार करण्यात आला. यावेळी माजी सरपंच शिवाजीराव नांदवडेकर यांनी मार्गदर्शन पर भाषण केले. यावेळी सरपंच इंदुबाई कुंभार, माजी सरपंच शिवाजीराव नांदेडकर संजय पवार ,बाबुराव गिलबिले , गोकुळ दूध संस्थेचे व्हा.चेअरमन विश्वास कांबळे शिवाजी देवलकर , अंकुश सुतार, अर्जुन कबीर, सन्मित्र पतसंस्थेचे व्हा. चेअरमन भीमराव सुतार उपस्थित होते. सूत्रसंचलन संजय पवार यांनी केले. सायंकाळी दत्तनगर येथे महाप्रसादाने कार्यक्रमाची सांगता करण्यात आली .
By
