सिरसंगी प्रतिनिधी
गेल्या दीड महिन्यापासून पावसाने दडी मारल्याने यमेकोंड परिसरात दुष्काळसदृश परिस्थिती निर्माण झाली होती. पावसाअभावी शेतकरी चिंतेत असताना यमेकोंड येथील गणू कासेकर यांनी पावसासाठी अनोख्या पद्धतीने प्रार्थना केली.
रविवारी रात्री त्यांनी गावातील चौतरा गायीच्या शेणाने लिंपून घेतला. त्यानंतर रामलिंग देवळात जाऊन दंडवत घालत पाऊस पडावा यासाठी प्रार्थना केली. त्यांच्या प्रार्थनेनंतर मंगळवार व बुधवार या दोन दिवसांत पावसाने हजेरी लावल्याने गावकऱ्यांमध्ये समाधानाचे वातावरण निर्माण झाले.
या पार्श्वभूमीवर गावकऱ्यांनी गणू कासेकर यांचा रामलिंग मंदिरात सत्कार करून त्यांच्या प्रयत्नांचे कौतुक केले. यावेळी बाबू आडसोळ श्यामराव होडगे, रामलिंग देवळातील गुरव, कृष्णा तिबिले, आनंद होडगे, सुरेश होडगे धोंडीबा कांबळे यांच्यासह ग्रामस्थ उपस्थित होते.
By
