रस्ते डांबरीकरणसंदर्भात हंदेवाडीकरांनी दिले आमदारांना निवेदन

सिरसंगी प्रतिनिधी
हंदेवाडी तालुका आजरा येथील नवीन वसाहत म्हणजेच वाढीव गावठाण अंतर्गत रस्ते खडीकरण व डांबरीकरण करावेत यासाठी ग्रामपंचायतीचा ठराव घेऊन पत्रकार पुंडलिक सुतार, शंकर कातकर,दिनकर कांबळे,शीतल कदम,शंकर शिंदे यांनी आमदार शिवाजीराव पाटील यांच्याकडे दिला आहे.सदर रस्त्याचे सध्या मूरमीकरण करण्यात आले असून या मुरमावरून पावसात चालताना लोकांची दमछाक होते आहे.सदर रस्ते आठ ते दहा वर्षापूर्वी होणे गरजेचे होते मात्र स्थानिक कोणत्याही लोकप्रतिनिधींनी इकडे लक्ष दिले नाही.त्यामुळे आता तरी आमदार शिवाजीराव पाटील यांनी लक्ष घालून सदर रस्ता खडीकरण व डांबरीकरण करून लोकांची होणारी गैरसोय दूर करावी.तसेच या वसाहतीमध्यस्ट्रीट लाईटची ही सोय करावी अशीही मागणी निवेदनाद्वारे केली आहे .