फॅशेन डिझायनर प्रणाली हेब्बाळकरचा हांदेवडीत सत्कार

सिरसंगी प्रतिनिधी
हंदेवाडी ता .आजरा येथील प्रणाली मोहन हेब्बाळकर हिने डिझाईन क्षेत्रात परदेशात उल्लेखनीय यश संपादन केले बद्दल पत्रकार पुंडलिक सुतार यांच्या हस्ते तिचा सत्कार करण्यात आला सध्या त्या मुंबई लालबाग येथे वास्तव्यास आहेत. प्रणाली हिने डिझाईन क्षेत्राला विविध स्तरावर उल्लेखनीय यश मिळवून दिलेने तिचेवर संपूर्ण महाराष्ट्रातून कौतुकाचा वर्षाव होतो आहे.अत्यंत साध्या कुटुंबातून आलेल्या प्रणाली यांच्या यशामागे त्यांच्या आई-वडिलांचा मोठा संघर्ष आणि पाठिंबा आहे. सुरुवातीच्या काळात अनेक अडचणी, आर्थिक संघर्ष आणि मर्यादा असूनही त्यांच्या आई-वडिलांनी मुलीच्या स्वप्नांवर विश्वास ठेवत तिला नेहमी प्रोत्साहन दिले.

सुरुवातीला प्रणाली या आपल्या आजोबांच्या जुन्या शिवण मशीनवर काम करत होत्या. त्यानंतर तिच्या वडिलांनी तिचे स्वप्नांना साथ देत आधुनिक नवीन मशीन घेऊन दिली. या नवीन मशीनमुळे त्यांच्या कामाला अधिक वेग मिळाला आणि फॅशेन डिझाईन क्षेत्रात आत्मविश्वासाने पुढे जाण्याची प्रेरणा मिळाली.

बारावीनंतर त्यांनी मुंबईतील रचणा संसद येथे फॅशेन डिझाईनचा तीन वर्षांचा अभ्यासक्रम पूर्ण केला. घरात फॅशेन क्षेत्राशी कोणताही संबंध नसताना स्वतःच्या मेहनतीवर आणि जिद्दीवर तिने फॅशेन इंडस्ट्रीत स्वतःची वेगळी ओळख निर्माण केली. या सत्कारावेळी वडील मोहन हेब्बाळकर, आई सौ.रेखा,आजी सुशीला हेब्बाळकर उपस्थित होते.